Bossing, tinambakan ang Dyip

ni GA - @Sports | June 26, 2022

Itinala ng Blackwater Bossing ang pinakamalaking kalamangan sa kanilang franchise history sa pamamagitan ng 107-70 panalo laban sa diskargadong Terrafirma Dyip kagabi upang sumosyo sa three-way tie sa second place sa 47th season ng PBA Philippine Cup sa Ynares Center sa Antipolo City.

Bukod sa makasaysayang panalo ay naputol rin ng Blackwater ang 4-game winning streak ng Terrafirma sa kanila na nagresulta sa pagkakuha ng anim na manlalaro sa double-digit scoring sa pangunguna ni Yousef Taha na lumista ng double-double performance sa 12pts, 14 rebounds, 4 assists, at 4 blocks sa 5-of-9 sa field goal shooting.

Hindi na hinayaan pang maka-recover ang Terrafirma simula ng mag-init ang Blackwater sa second quarter na pinalobo ang kalamangan sa 19 puntos sa 52-33 sa nalalabing 1:02 hanggang sa dalhin ito sa halftime sa 54-38 mula sa buzzer-beater tres ni Camson.

“We don’t celebrate too much with the win against Terrafirma, because we know that everyone has the capability to fought against us. This win is because of team effort, they started flat but good thing the 2nd group pick up and played defense and rebounds,” pahayag ni Blackwater coach Ariel Vanguardia sa post-game press-conference. “This bench players really pushing our starters, and they are always ready, and everyone is accepting criticism, and they delivered, but still, we didn’t achieve anything yet, but we broke a 4-game winning streak on us,” dagdag ni Vanguardia na tumabla sa Meralco Bolts at San Miguel Beermen sa second place sa 3-1 kartada.

Nanguna sa puntusan para sa Blackwater si Renato Ular sa 16pts na sinundan ni Javee Casio sa 14pts, at tig-11pts nina Mark Dyke, Kevin Ebona at James Sena. Nagbida naman para sa Terrafirma si Joshua Munzon sa 17pts, na sinuportahan ni Joseph Gabayni sa 12pts, at tig-10pts nina Juami Tiongson at Eric Camson.

Mga laro ngayong araw (Linggo) (Ynares Center – Antipolo)

4:30 n.h. – TNT Tropang Giga vs Phoenix Super LPG

6:30 n.g. – Converge FiberXers vs San Miguel Beer