Blackburn, susubukin ni Stardust sa Metro Turf

ni Green Lantern - @Renda at Latigo | June 4, 2022

Mapapalaban si Blackburn sa magaganap na PHILRACOM Rating Based Handicapping System na haharurot sa Metro Turf, Malvar-Tanauan City, Batangas ngayong araw.

Gagabayan ni Jonathan Juco, inaasahang mapapalaban si Blackburn sa apat na tigasing kalahok sa distansyang 1,400 meter race.

Ayon sa mga komento ng mga karerista sa social media, si Stardust ang posibleng makatalo kay Blackburn sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

"Magaling na kabayo si Blackburn subalit mahusay din naman si Stardust kaya magandang laban ang mapapanood natin," saad ni Alberto Villahermosa, veteran karerista.

Ang ibang kalahok sa karera na may added prize na P35,000 na ikakalat sa unang apat na kabayong tatawid sa meta ay sina Rockstar Show, Stravinsky at Silab.

Nakalaan din ang karagdagang premyo na P10,000 para sa winning horse owner.

Aabangan din ng mga karerista ang bakbakan ng 8 kabayo sa Condition Race (24) na pakakawalan sa pang-apat na karera.

Posibleng magdomina sa bentahan ay si A Certain Smile na rerendahan ni former Philippine Sportswriters Association, (PSA) Jockey of the Year awardee Jessie Guce.

Makakalaban ni A Certain Smile sina Santiago's Pride, Tito Gene, Polloc Island, Pagbabago, Geneva, Spectreoftheknight at Tontoneeto.

Samantala, pitong races ang inihain ng Metro Manila Turf Club Inc. (MMTCI) ngayong araw kaya tiyak na maligalig na naman ang mga karerista sa kanilang paglilibang.

Mga Pili ni Green Lantern:

Race 1 - Rafa (5), Alim's Joy (3), Mariacristinafalls (1)

Race 2 - Stardust (5), Blackburn (3)

Race 3 - Bakya Mo Neneng (3), Humidor (1)

Race 4 - A Certain Smile (6), Geneva (5), Santiago's Pride (1)

Race 5 - Cambari island (3), Asik Asik Falls (6)

Race 6 - Beli Bell (6), Eazacky (1)

Race 7 - Doktora (3), Bishop Blue/Jawo (6/6A), Tanforan/Don Lucas (2/2A)