Bisyo Mag Serbisyo susukatin sa SLLP

ni Green Lantern - @Renda at Latigo |September 8, 2022

Masusukat ang husay ni Bisyo Mag Serbisyo sa pag-arangkada nito sa PHILRACOM Rating Based Handicapping System ngayong araw sa San Lazaro Leisure Park sa Carmona, Cavite.

Sasakyan ni veteran jockey Jeffrey Bacaycay, mapapalaban si Bisyo Mag Serbisyo laban sa anim na kabayong tatatakbo sa distansiyang 1,400 meter race.

Posibleng magbigay ng magandang laban kay Bisyo Mag Serbisyo ang magka-kuwadrang Air Class at Twinkle Toes na rerendahan nina Claro S Pare at Esmael Nahilat ayon sa pagkakasunod.

Nakalaan ang P25,000 added prize na ikakalat sa unang apat na kabayong tatawid sa meta, ang ibang kalahok ay sina Cash Is King, Boss Mario, Senorita Bonita at Gee's Brulay.

Hahamigin naman ng winning horse owner ang karagdagang P5,000 premyo sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Maliban sa nabanggit na karera, tiyak na masisiyahan din ang mga karerista sa labanan ng walong mahuhusay na kabayo sa Condition Race Merged na pakakawalan sa huling karera.

Magtatagisan ng bilis sina Eazacky, Kid Baloloy, Golden Sunrise, Calle Loreto, Point Of Interest, My Jopay, Pulang Lupa at Shanghai Noon.

Samantala, pitong karera ang inihain ng Manila Jockey Club Inc. (MJCI) ngayong araw.

Mga Pili ni Green Lantern:

Race 1 - Star Of Kidapawan (6), Eyes Of Sunrise/Chi Nita (4/4A), Tears Of Joy (8)

Race 2 - Bisyo Mag Serbisyo (1), Air Class/Twinkle Toes (5/5A)

Race 3 - Miss Thrifty/Double Rock (1/1A), Christiano (2)

Race 4 - Gaelic Flavor (5), Jambo (1), Gee's Song (3)

Race 5 - You Never Know (5), Saoirse (1)

Race 6 - Tocque Bell/Charm Bell (1/1A), Money For Shelltex (4), Electrify (8)

Race 7 - My Jopay (6), Pulang Lupa (7), Shanghai Noon (8)