Bisyo mag serbisyo sumikwat sa SLLP

ni Green Lantern - @Renda at Latigo | April 7, 2022

Dumami ang naging tagahanga ni Bisyo Mag Serbisyo matapos nitong manalo sa 2022 Cool Summer Farm Derby Race noong Linggo sa San Lazaro Leisure Park sa Carmona, Cavite.

Mula sa bandang likuran, isa-isang Inilampasan ni Bisyo Mag Serbisyo ang mga nasa harapan upang sikwatin ang panalo at ibulsa ng horseowner na si Napoleon Magno ang P600,000 premyo.

Sinakyan ng jockey Jeffrey Bacaycay, inirehistro ni Bisyo Mag Serbisyo ang tiyempong 1:38 minuto sa 1,500 meter race sa event na suportado ng Philippine Racing Commission, (PHILRACOM) sa pamumuno ni chairman Reli De Leon. "Nakakabilib 'yung ipinakitang takbo ni Bisyo Mag Serbisyo, malalakas na rin mga tinalo niya kaya sa darating na panahon magiging kampeon siya," saad ni Manolito Lacanaria, veteran karerista.

Dumating na segundo si King Hans habang terserong tumawid ng meta si Rain Man habang pumang-apat si Hot Rot Hearts.

Hinamig ni King Hans ang P300,000 habang tig-P250,000 at P200,000 sina Rain Man at Hot Rot Hearts ayon sa pagkakasunod. "Itong annual event na ito ang suporta ng Cool Summer Farm sa ating horse racing industry at gusto nating makilala ng lubusan ng taong bayan ang ating industriya," sabi ni Joseph Dyhengco ng Cool Summer Farm. "Maliban diyan, tulad ng ibang breeders sa ating bansa, ina-upgrade natin ang lahi ng ating mga pangarerang kabayo."

Nagpasalamat naman si De Leon sa mga tumulong para maisagawa ang nasabing karera. "First of all, I'd like to thank the Cool Summer Farm on this annual endeavor that has become a much awaited event for the bayang karerista. The Commission will always be here to support, upgrade and improve horse racing in our country. In the process, generating additional contributions to government projects in the form of taxes," ani De Leon.

Samantala, pitong karera ang inihain ng Metro Manila Turf Club Inc. (MMTCI) ngayong araw ng Huwebes.

Mga Pili ni Green Lantern:

Race 1. Bocaue Rise (6), Shinshiro (7), Sexy Love (8)

Race 2. Toy For The Bigboy (5), Are Rated (3)

Race 3. Jawo (3), Money For Biffany (6), Blown Away (2)

Race 4. Tontoneeto (6), Wessfacckol (1)

Race 5. Biktori (5), Baling Rikit (4), Speedy Chase (2)

Race 6. Robin Hood (2), Battle Scar (6)

Race 7. Cinderella King (3), Noh Sen Young Yana, (6), Caloocan Girl (13)