Binababoy ni "Bato" ang Konstitusyon 'pag nagpa-substitute siya

ni Ka Ambo - @Bistado | October 17, 2021

Ibinabala na ang La Ninya.

Huh, tag-araw na, ha?

◘◘◘

PINALITAN na ni Amihan si Habagat.

Kaya pala napakarami ng “mahahangin” sa mga kandidato!

◘◘◘

PINALAWIG ang oras sa voter’s registration.

Puwede rin magrehistro kahit Sabado.

Yipeee!

◘◘◘

BAKIT kaya naiiwanan ang kandidato ng ruling party na si "Bato" dela Rosa?

Ngayon lang tayo nakakakita na ang “nuisance” ay presidential bet ng administrasyon.

Pang-Guinness Book of World Records” 'yan!

◘◘◘

KAPAG nagpa-substitute si Heneral Bato, panibagong intriga 'yan.

Kasi’y aktuwal na binababoy ang proseso ng halalan!

◘◘◘

MEDYO excuse si P-Digong nang gumamit ng substitution kasi’y wala talaga siyang partido na magagamit.

Ngayon ay hawak nila ang gobyerno sa loob ng anim na taon, pero bakit nang-aagaw sila ng partido at gagamit ulit ng substitution.

Mahirap ispelingin talaga ang mga Bisoy?

◘◘◘

SA totoo lang, ayon sa mga doktor, marami ang lihim na dumaranas ng mental illness.

Sa tingin natin, marami riyan ay nasa pamahalaan.

Lalo ang mga nagpapanik na mawala sa poder!

◘◘◘

ANG lahat ng bagay ay may hangganan.

Tama ang desisyon ni Mayor Sara na manahimik na lang.

Pabor 'yan sa kanyang mister at mga anak!

◘◘◘

SANGKATUTAK na ang COVID-19 vaccines sa bansa.

Hindi kaya gamitin na rin 'yan sa kampanya?

◘◘◘

PUWEDE nang magpabakuna ang mga bata.

Nauna nang nagpa-vaccines ang mga batang-isip!

◘◘◘

MALAKI ang papel na ginagampanan ngayon ng internet.

Pero, sa aktuwal, mayorya pa rin ng teritoryo ng Pilipinas mahina ang signal na telecom!

◘◘◘

IBABALIK na ang face-to-face class sa mga eskuwelahan.

Maraming paslit ang maaabuso ng mga titser!

◘◘◘

IBINABA na sa P500 ang boundary sa mga taxi mula P1-K kada araw.

Pero, hindi pa rin nakakapag-entrega ng boundary dahil walang mananakay.

Ang resulta, maraming taxi driver ang may black eye sa umbag ni misis!

◘◘◘

WALANG kita ang mga magsasaka.

Luma nang balita 'yan!

◘◘◘

BINUBUHAY ang isyung Ferdinand Marcos versus Ninoy.

Hindi naman kandidato ang mga naturang patay!