Bigas at meat products, sapat pa para sa holidays – DA

ni Lolet Abania | September 22, 2022

Ipinahayag ng Department of Agriculture (DA) na sapat ang mga suplay ng bigas at mga karne o meat products upang matugunan ang inaasahan nilang pagtaas ng demand nito para sa nalalapit na holiday season.

Sa isang statement, sinabi ng DA na nakapagtala na ng pagtaas ng local palay production, base na rin sa supply outlook ng kanilang National Rice Program (NRP).

“A big chunk of the supply comes from the locally produced rice, and production of farmers will be enough to meet the demand towards the end of the year,” pahayag ng DA.

Noong Martes, ipinahayag naman ni Senator Imee Marcos, chairperson ng Senate Committee on Cooperatives, na ang projected 5.13 million metric tons ng bigas na na-produce locally ng ikatlong quarter ay lalampas pa sa demand na 3.7 million metric tons at magpo-provide ng isang buffer stock na 1.43 million metric tons sa pagtatapos ng Setyembre.

Para naman sa fourth quarter, ayon pa sa Senadora, ang suplay ng lokal na bigas ay tinatayang aabot sa 6.24 million metric tons laban sa demand na 4.02 million metric tons. Habang mag-iiwan ito ng karagdagang buffer stock na 2.22 million metric tons sa pagtatapos ng taon.

Samantala, ayon sa DA ang mga meat products ng bansa, partikular na ang mga lokal na manok at baboy, ay sapat din para sa holidays.

Ito ang kinumpirma sa DA ng kanilang livestock group na binubuo ng Bureau of Animal Industry, National Meat Inspection Service, National Dairy Authority, Philippine Carabao Center, at International Training Center on Pig Husbandry.

Base sa kanilang Philippine Food Supply, Demand, and Sufficiency Outlook para sa 2022, ayon sa DA ang kabuuang suplay ng broiler para sa taong ito ay nasa 1.82 million metric tons (MT) -- 1.65 million MT nito ay locally produced.

“With the demand for broilers expected at around 1.64 million MT this year, consumers are assured that there will be a generous supply to last up to early 2023,” saad ng ahensiya.

“The pork supply outlook showed a 1.79 million MT demand for the year or about 0.10 million MT higher than the country’s total supply,” sabi ng DA.

“However, local pork production was estimated to be at 1.34 million MT, comprising the majority of the total pork supply. Only 0.29 million MT of pork were imported in 2022,” dagdag pa nito.