Bey iniangat sa 1-0 ang Hotshots sa semifinals

ni Clyde Mariano @Sports | January 25, 2024

Iniligtas ni Tyler Baik Bey ang Magnolia Hotshots sa bingit nang talo at dinala ang elimination topnotcher sa 82-79 panalo kontra Phoenix Fuel Masters para kunin ang 1-0 lead sa best-of-five semifinals sa PBA 48th Commissioner’s Cup sa Smart Araneta Coliseum kagabi.

Umiskor si Bey ng three-point play at split charity sa foul ni Kenneth James Tuffin at humablot ng defensive rebound sa huling 1:49 seconds at kunin ang panalo.

Hindi madali ang panalo ng Magnolia di tulad sa elimination ay tinambakan ang Phoenix, 107- 92.

 Kailangang kumayod nang husto ang Hotshots para talunin ang nagmamatigas na LPG Fuel Masters.

Lamang ang Magnolia 74-71 4:49. 79-77 1:59 at sinira ang 78-all deadlocked bago pumasok si Bey sa eksena at iniangat ang Hotshots sa nagbabantang panganib. “It was a hard-earned win. Phoenix pushed us against the wall. My players refused to fold up,” sabi ni coach Chito Victolero. “It’s more on defense.

 We have to toughen our defense and sharpen our shooting in Game 2 to ensure victory and move to within a win to enter the finals, “wika ng 49-years old Timplados coach kasama ang kanyang import palabas ng court.

Target ni Victolero ang pangalawang PBA title nang unang nag-champion sa 2018 Governor’s Cup at talunin ang Alaska. Tumipa si Bey ng 25 points, 10 rebounds at dumepensa kontra Jonathan Williams. "I was forced to take the scoring job in the dying minutes. It’s pretty good I made it,” sabi ng 25-years old NBA veteran na naglaro sa Philadelphia 76ers at Mexico.

Nag-ambag si Paul Lee ng 11, Andy Marc Barroca ng 10 at Calvin Abueva ng 9 sa panalo ng Hotshots.

 Hindi naman maganda ang nilaro ni Jonathan Williams na tumapos lamang ng 11 points at bokya sa first two quarters.