Beermen, hindi pinalusot sa panalo ang Hotshots

ni Clyde Mariano @Sports | February 6, 2023

Sadyang hindi mapigil ang pananalasa ng wala pang talong San Miguel Beer kontra winless sister team Magnolia sa mahigpitang laro, 100-98, at sumosyo sa standings sa Converge at NLEX sa kartada 4-0 sa Governors Cup sa PBA 47th season sa Smart Araneta Coliseum kahapon.

Hindi madali ang panalo ng SMB di tulad sa naunang tatlong laro at kailangan gamitin ng Beermen ang buong puwersa at kumayod nang husto si import Cameron Clark laban sa well-experienced Erik Mcree bago ilista ang pang-apat na sunod na panalo at palakasin ang title campaign ni bagong coach Jorge Gallent.

Ang talo ay pangatlong sunod ng Magnolia matapos yumuko sa Converge at Talk ‘N Text.

Mahigpitan ang laro at inangkin ng SMB ang panalo sa huling mga minutes sa fourth quarter at panatilihin ni Gallent ang kanyang malinis na record.

“It was a tough game. Magnolia pushed us to the limit. My players stubbornly refused to give up down the stretch. It’s pretty good we preserved our untainted record,” sabi ni Gallent.

“Sana ma sustain namin ang magandang laro as the tournament progresses. We’ll treat every game a championship game,” wika ni Gallent.

Dikit ang laro nagpalitan lamang ng ilang beses at nagtabla ng apat na beses tungo sa 79-70 sa top-of-the-key 3 ni Rodney Brondial tungo sa 79-70 third quarter lead.

Maagang kinontrol ng Magnolia ang laro 35-39 at 51-44 sa seven straight points ni Paul Lee kasama ang tres ending 51-47 half time lead.

Tumipa ang ace gunner at three-point specialist si Lee 14 points at ang European League veteran si Erik McRee 13 points at na outshoot nila ang SMB sa unang 24 minutes.

Subalit bigo na ma -ng Timplados Hotshots ang kanilang momentum at kusang bumigay sa second half sa lungkot ni coach Chito Victolero.