Beat Da Boys, napag-usapan sa socmed dahil sa husay

ni Green Lantern - @Renda at Latigo | April 13, 2022

Nakaraan lamang ay napag-usapan sa social media si Beat Da Boys dahil sa ipinakitang husay nito nang manalo sa 2022 Philracom 3-Year-Old Maiden Stakes race na inilarga sa Saddle and Clubs Leisure Park sa Naic, Cavite noong Linggo ng hapon.

Bumilib ang mga karerista sa pagremate at pakikipagtagisan ng bilis sa unahan kontra sa nakalabang si Pharaoh Bell. "Ang husay ni Beat Da Boys, sa ipinakita niyang takbo malayo ang kanyang mararating at posibleng magpanalo pa sa mga stakes races," saad ni Benito Ladiana, veteran karerista.

Ipinakita ng pambato ni horse owner Melanie Habla ang galing sa karerahan sa huling 250 meters ng karera, rumemate si Beat Da Boys at nagwagi ito ng may dalawang kabayo ang agwat sa nasegundong si Pharaoh Bell.

Sinakyan ni class A rider Kelvin Abobo, inirehistro ni Beat Da Boys ang tiyempong 1:18.4 sa 1,300 meter race sapat upang masilo ang P720,000 sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

"We just witnessed an exciting race of high caliber three-year-old throughbreds of Philippine horseracing," saad ni De Leon, "Philracom will now be looking forward to the series of stakes races starting next month up to December. Congratulations to the winners!"

Nasikwat ni Pharaoh Bell ang P240,000 habang napunta kina Cupid Song, Amor Mi Amor, Portsalt at Opportunity ang tig P120,000, P60,000, P36,000 at P24,000 bilang premyo mula third hanggang sixth ayon sa pagkakahilera.

Samantala, 7 races ang ilalarga ng Manila Jockey Club Inc. (MJCI) ngayong araw ng Miyerkules kaya inaasahang magiging masaya na naman ang mga karerista sa kanilang paglilibang.

Isa ang pagtakbo ni Moderne Cong sa mga aabangan ng mga karerista kung saan makakaharap nito ang lima pang tigasing kabayo sa ikakasang PHILRACOM rating Based Handicapping System.

Gagabayan ni dating PSA Jockey of the Year Awardee Jessie Guce, makakatagisan ng bilis ni Moderne Cong sina Batan Island, Beli Bell, King Hans, Iikot Lang at Stripe Of Pink.

Mga Pili ni Green Lantern:

Race 1. Smart Julliane (5), Step Bell (8), Beyond D' Sea (9)

Race 2. Bisyo Mag Serbisyo/Yana's Silver (6A/6), Back To The Future (1), El Mundo (5)

Race 3. Spunk Attack (7), Amelia (3), Captain Sully (1)

Race 4. Dragon Butterfly (3), Speeding Hero (5)

Race 5. Rockaway (8), Filipino Emperor (5), Don Albertini (2)

Race 6. Moderne Cong (3), Stripe Of Pink (6)

Race 7. Shining Shelltex (6), Lucky Julliane/Solution (1/1A), I Love Matty (3)