BB, binigyan ng surprise party… DANIEL, OUT SA REUNION NG MGA PADILLA

ni Vinia Vivar @Frankly Speaking | September 12, 2024

Matapos magkaroon ng hindi pagkakaintindihan few years ago, okey na okey na nga ngayon ang magkapatid na sina BB Gandanghari at Sen. Robin Padilla.

Kararating lang ng Pilipinas ni BB, dito siya nagdiwang ng kanyang 57th birthday.

Ibinahagi mismo ni BB at ni Mariel Padilla ang kaganapan sa birthday party na unang ginanap sa Museo de Padilla. Nagsilbi na nga ring family reunion ito dahil base sa mga larawang nakita namin ay halos kumpleto ang Padilla family.

Sa post ni BB ay pinasalamatan niya ang kapatid na si Robin at asawa nitong si Mariel sa ibinigay na surprise party sa kanya.

“#Homecoming: a moment of love, joy, and peace amongst family and friends (heart emoji) Thank you @robinhoodpadilla and @marieltpadilla for this wonderful welcome. I love you both (exclamation point emoji) My heart is full. Thank you @itschapadilla for this video (cake emoji) #GodIsGood #FamilyTies #Bonding (praying emoji),” ang caption ni BB sa video ng kanyang party.

Makikita sa video na masayang-masaya ang Padilla clan sa kanilang pagkikita, lalo na si BB na ngayon lang daw nagkaroon ng surprise party.

“This is basically the best, the biggest party I ever had and it’s the only surprise I ever had in my life. I never thought I would ever have a surprise,” sey ni BB sa kanyang speech.

“But ‘Tol, you are the best,” sey niya kay Robin. 

“Mariel and Robin. Thank you very much for putting up this party,” dagdag niya.

Bukod sa magkakapatid na Padilla at kani-kanilang pamilya, siyempre ay naroon din ang kanilang inang si Mommy Eva Cariño-Padilla. Present din ang mga long-time friends ni BB na sina Pops Fernandez at Marjorie Barretto.

Sa isang larawan ay makikitang mahigpit na nagyakap sina BB Gandanghari at Robin Padilla.

Samantala, sa comment section ay hinahanap ng mga netizens kung bakit wala si Daniel Padilla sa nasabing family event.

---

BAGAMA’T kitang-kita naman sa mga posts ni Derek Ramsay na genuine ang ipinapakita niyang love sa kanyang stepson na si Elias, may mga netizens pa rin na nagdududa at sinasabing isang ‘act’ lamang ito.

Kaya naman inalmahan ito ni Derek sa panayam sa kanya ni Morly Alinio.

“Pero ano’ng act? Asawa ko ‘yan. Ano'ng acting? Honeymoon namin, kasama namin ‘cause I want Elias to experience Africa with us. Lagi kong hinahanap ‘yan,” sey ni Derek.

“Elias is a beautiful child. Ang sarap n’yang kasama. May problema ka na sa sarili mo kung ‘di mo kayang mahalin ‘tong batang ‘to. 

“He’s a great kid. So for me, it was just natural for me to fall in love with this boy as part of Ellen,” sey ng aktor patungkol sa anak ng misis niyang si Ellen Adarna at ni John Lloyd Cruz.

When asked about his relationship with Lloydie, pahayag ni Derek, “Wala naman kaming problema. Hindi naman kami best friends.”

Sey naman ni Morly, “Hindi kayo best friends pero ‘di rin kayo magkaaway.”

Reply ni Derek, “Hindi. Si John Lloyd… kasi Elias has school now, so Monday to Friday, sa ‘min s’ya, then sa weekends, sa Papa n’ya.”

Tiniyak din ng aktor na hinding-hindi mangyayari na aagawan niya ng karapatan si Lloydie kay Elias.

“No, I would never disrespect him. I know my place. Kumbaga, second best, hanggang du’n lang ako,” paniniguro ni Derek Ramsay.