Banatang never-say-die at survival of the fittest

ni Clyde Mariano @Sports | January 6, 2023

Maginhawa at nasa kanila ang momentum nang manalo sa Game 3, 89-82 na nagdala sa kanila sa 2-1 lead sa best-of-seven title series, tatangkain ng Barangay Ginebra ang pangalawang sunod na panalo at lumapit pa sa isang laro para kunin muli ang korona sa PBA Commissioner’s Cup na huli nilang hinawakan noong 2018, lalabanan ang guest team Bay Area Dragons sa Game 4 ngayong Biyernes sa MOA Arena.

Haharapin ng Kings ang Hong Kong-based team ng 5:45 pm na sumibak sa San Miguel Beermen sa best-of-five semis. Inaasahang magiging kapana-panabik at puno nang drama ang salpukan ng magkatunggali sa larong “survival of the fittest” na panonoorin ng die-hard PBA fans lahat para mag-cheers sa Barangay Ginebra.

Muling ipinamalas ng Kings ang pamosong tawag “never-say-die” na pinasikat ni playing-coach Robert Jaworski. Sa kabila nang panalo sa Game 3, hindi pa rin nagkumpiyansa si coach Tim Cone, pinaalalahanan ang mga bataan niya na paghusayan pa sa Game 4.

“The title series is far from over. The best-of-seven series is halfway mark. It’s a long way to go. We have to play superior game to ensure victory. We have to sharpen our offense and toughen our defence because our championship rival is determined to bounce back and even the series,” saad ng 64-anyos na American coach.

Target ni Cone ang pang 26th PBA title mula 1996 kasama ang dalawang grandslam sa Alaska noong 1999 at 2014 team ng SMB. Muling sasandal si Cone kina Justin Brownlee, LA Tenorio, Scottie Thompson, Jamie Malonzo, Japeth Aguilar, Christian Standhardinger at Stanley Pringle.

Tumipa si Brownlee ng 34 points, 17 rebounds, 15 defensive, 4 assists at 3 steals. Desperado si American native Australian coach Brian Goorjian na manalo at maitabla ang serye, palakasin ang title campaign at maging pangatlong foreign team na nag-champion sa PBA at duplikahin ang tagumpay ng Nicholas Stoodley noong 1980 at NCC noong 1985.

Sasandal si Goorjian kina Canadian NBA veteran Andrew Nicholson, Kobey Ketavong Lam, Zhu Songwei, Hayden Joel Blankley, Duncan Reid at 7-foot-5 Liu Chuanxing.

Nalimita si Nicholson sa 23 points at napilayan pa sa 4th quarter sa mahigpit na bantay nina Aguilar, Malonzo, at Aljon Mariano. Nagtulong-tulong bantayan ang Canadian import na pumalit kay kapwa NBA veteran Myles Powell.