Bakuna at ayuda, tuloy kahit holiday sa Kyusi

ni Lolet Abania | August 18, 2021

Idineklara ng lokal na pamahalaan ng Quezon City ang Agosto 19, 2021, Huwebes, na isang special non-working public holiday sa lungsod bilang pagdiriwang ng 143rd birth anniversary ng dating Pangulong Manuel Quezon.

Ayon sa city government, walang pasok sa lahat ng pampubliko at pribadong opisina sa siyudad sa nasabing araw.

Gayunman, magpapatuloy ang COVID-19 vaccination rollout ng Quezon City pati na rin ang pamamahagi ng cash assistance mula sa national government.