Bahay ng ama, sinunog, anak na babae, kulong

by Mai Ancheta @News | November 7, 2026

Photo: Circulated

Arestado ang isang babae matapos umanong sunugin ang bahay ng kanyang ama sa Brgy. Pinamanculan, Butuan City, Huwebes ng hapon.

Ayon sa imbestigasyon, nakitang pumasok sa kusina ang suspek na si alyas Rowena at lumabas na may dalang bag. Makalipas ang 10 minuto, nasusunog na ang bahay na tuluyang naabo.

Tumakas umano ang suspek sakay ng multicab ngunit naharang sa Buenavista. Inamin umano nito sa pulisya ang pagkakasangkot sa insidente, habang nakumpiska sa kanyang bag ang isang lighter.

Patuloy pang inaalam ang motibo sa insidente.