Babawiin daw ang pera… PBBM, ‘di sang-ayon na hayaan na lang ang ghost projects — Dizon

by Info @News | September 18, 2025

Photo File: Vince Dizon - Senate of the Philippines

Sinabi ni Department of Public Works and Highways (DPWH) Secretary Vince Dizon na hindi sang-ayon si Pangulong Ferdinand Marcos, Jr. na ‘ganon-ganon’ na lang ang ghost projects at kailangan umanong bawiin ang pera mula sa mga sangkot na kontraktor dito.

“The President po completely agrees, hindi pupuwedeng ganon-ganon na lang ‘pag may ghost or substandard [projects], kailangan pong maibalik ang pera at marami po sa proyektong ito ang kailangan ayusin,” ayon kay Dizon.

Idinagdag din niya na hindi puwedeng ang gobyerno ulit ang maglalabas ng pera para sa mga proyektong dapat ayusin kundi dapat kunin ito sa mga warranties.

“Nag-initiate na rin po ang ating bagong team ng procedures para mabawi ang mga warranties — most of the warranties of the flood control, if not all, are five years Mr. Chairman under their contracts, puwedeng-pwede pa po natin habulin lalo na po ‘yung mga proyektong wala pang limang taon,” saad pa ni Dizon.