Babala sa ‘Pinas… republika ng Laos, naremata ng China dahil sa sangkatutak na utang!
- BULGAR
- Sep 12, 2020
- 1 min read
ni Ka Ambo - @Bistado | September 12, 2020
Naremata ng China ang Republika ng Laos dahil sa sangkatutak na utang.
Mag-ingat sa utang!
◘◘◘
Walang pahayag ang Malacañang kaugnay sa pautang ng mga ‘Bumbay’.
Bawal ba sila sa kalye o hindi?
◘◘◘
Ang mga ‘Bumbay’ ang nagpapasigla sa micro industry.
‘Yun nga lang, marami ang nagsitakbo ngayong pandemic!
◘◘◘
Bumabagsak at nagsasarado isa-isa ang mga dambuhalang negosyo.
Indikasyon ito ng pagdarahop sa Pasko!
◘◘◘
Kinansela na ang paggunita sa Undas.
Ang Pasko ay kakanselahin din kaya?
Nag-aantay ng sagot si Ninang at Ninong!
◘◘◘
Inililipat sa Maynila ang Boracay.
Isang himala!
◘◘◘
Natutuyot na ang Angat dam.
Krisis sa tubig ang papalit sa COVID-19!
◘◘◘
Kaliwa’t kanan ang tupada.
May proteksiyun ‘yan sa barangay officials at mga pulis!
◘◘◘
Matumal ang negosyo sa palengke, supermarket, mall, talipapa at convenience store.
Nasaan ang normal?
◘◘◘
Hanggang Enero ang pagdarahop.
Extended ito hanggang Mayo at Hunyo!
◘◘◘
Kani-kanyang diskarte ang mga padre-de-pamilya.
Lahat ay naghihigpit ng sinturon.
Si Tatay, pati sinturon ay naisanla na.
Nahuhubo na ang kanyang salawal dahil sa gutom!
Comments