Babala ng Phil. Embassy in Oman… Pekeng Facebook at Messenger account, kalat na

ni Lolet Abania | September 7, 2022

Nag-isyu kamakailan ang Philippine Embassy in Oman ng isang advisory warning sa mga Pilipino hinggil sa isang Facebook at Messenger account na ginagamit ang kanilang pangalan.

Sa kanilang official Facebook page, nag-post ang embahada ng screenshots ng mga mensahe na ipinadala mula sa fake account.

Ang mga mensahe ay nagpapakita na isang cash reward ang ipinangako sa mga netizens para sa kanilang suporta. Ang mga netizens ay mabibigyan ng link kung saan doon umano nila ipapasok ang kanilang personal information para ang premyo umano ay maproseso.

“The public is hereby advised of a circulating scam from a Facebook/Messenger account pretending to be the Philippine Embassy in Oman,” batay sa advisory.

“Please do not provide any personal information and ignore messages received from the said fraudulent account,” diin ng embahada.

“The Embassy does not use Messenger in disseminating information,” giit pa nito.

Ayon pa sa embahada, ang mga impormasyon at iba pang updates ay naka-post sa embassy’s official website (muscatpe.dfa.gov.ph) at official Facebook page (www.facebook/com/PHLinOman).

“Those receiving messages from the fraudulent account are advised to contact the embassy via email at muscat.pe@dfa.gov.ph or via landline at +968 2460-5335 or +968 2460-5176,” saad ng embahada.

“The public is hereby enjoined to exercise caution and prudence especially when interacting online,” sabi pa nito.