Ayuda, panandaliang ginhawa lang

by Info @Editorial | July 30, 2026

Habang sunud-sunod ang oil price hike, tila ayuda pa rin ang pangunahing sagot ng gobyerno. 

Totoo, may pansamantalang ginhawang naibibigay ang ayuda. Pero kapag linggu-linggo namang tumataas ang presyo ng gasolina, diesel, at mga bilihin, mabilis ding nauubos ang halagang natanggap.

Ang mas malaking problema ay hindi natutugunan. Hangga't walang konkretong hakbang para mapagaan ang epekto ng patuloy na pagtaas ng presyo ng langis—gaya ng pagrepaso sa fuel taxes, pagpapababa ng logistics costs, o iba pang pangmatagalang solusyon—mananatiling panandaliang lunas lamang ang ayuda. 

Ang cash assistance ay hindi kapalit ng structural solutions sa inflation at oil price shocks.

Hindi sapat na may ayuda kung bawat linggo ay may panibagong dagdag-presyo. 

Ang tunay na sukatan ng malasakit ay hindi kung gaano karaming ayuda ang naipamigay, kundi kung paano napigilan ang patuloy na pagtaas ng gastusin ng bawat pamilyang Pilipino.