Ayuda pahirapan, gobyerno minura ng mga drayber

by BRT @News | March 24, 2026

Photo: File / MANIBELA

Napamura si Manibela Chairman Mar Valbuena dahil pinapahirapan umano ng gobyerno ang mga tsuper sa pagkuha ng P5,000 financial assistance.

Ayon kay Valbuena, maraming hinihingi na requirement sa pagkuha ng nasabing ayuda tulad ng precinct number at piktyur ng tsuper habang hawak ang lisensya sa harap ng jeep.

Kasabay nito, inanunsyo ng transport group na magsasagawa sila at iba pang grupo ng nationwide transport strike sa Marso 26 at 27.

Ayon sa grupo, ito ay kasabay ng patuloy na pagtaas ng presyo ng petrolyo, na iniuugnay sa umiiral na giyera sa Middle East.

Nanawagan naman ang grupo kay Pangulong Ferdinand Marcos, Jr. na suspendihin ang excise tax sa langis, na anila’y dagdag-pasanin sa mga tsuper at operator.