Ayaw tumigil, Annabelle! GUANZON KAY RUFFA: YOU CALL ME CONG. OR I WILL CALL YOU SOMETHING ELSE

ni Reggee Bonoan - @Sheet Matters! | July 11, 2022

Nagtanong ang dating COMELEC commissioner na ngayon ay P3PWD representative na si Rowena Guanzon sa aktres na si Ruffa Gutierrez tungkol sa mga kasambahay na umano’y pinalayas daw nito kamakailan.

Nakarating ito kay Rep. Guanzon dahil may kaibigan siyang nagkuwento.

Tweet niya, “My friend has to rescue two household helpers who were thrown out of a first class village by their employers without paying their salaries. Where is your compassion?”

Sumagot si Ruffa na ipinaliwanag niyang hindi ito totoo at in-address niyang ‘Ms. Guanzon’ ang P3PWD representative, bagay na hindi nagustuhan ng huli.

Pero mukhang nasa mood makipagkulitan ang congresswoman sa aktres dahil humirit siya ng, “That Ruffa Gutierrez must learn to say "Congresswoman". Hahaha! You call me cong. or I will call u something else. Sige ka #Bardagulan.”

As of this writing ay walang sagot si Ruffa o baka sadyang hindi na lang niya pinatulan si Congw. Guanzon?

Dahil ang latest tweet ng aktres ay, “Looking forward to Sunday lunch with the family. Goodnight beautiful people, pati na rin sa mga mabait like me.”

Sinagot siya ng Chief Digital Evangelist at columnist na si @ValaAfshar, “Spend more time with your parents. It is the best gift that you can give to yourself.”

At sa Instagram account ni Ruffa ay nagsabi siyang, “The beautiful thing about life is that you can always change, grow and get better. You aren’t defined by your past. You aren’t your mistakes. Bayramınız Kutlu Olsun and Happy Eid al-Adha to my Muslim brothers & sisters across the world. Let’s spread love and peace, not hate and fake news.”

Samantala, may mga nagtanggol kay Ruffa kaya nag-tweet ang P3PWD ng, “More than 10 na ng zero followers nag-comment. Hoy, wala nang eleksiyon, wala nang budget for trolls #Bardagulan.”