ni Angela Fernando @News | May 7, 2024
Inilabas na ng TV host na si Vice Ganda ang Part 2 ng panayam niya kasama si Awra Briguela na umaming nagkaroon sila ng gusot ng kanyang pamilya at may lamat ang relasyon niya sa sariling ama.
Sey ni Awra, matapos pumutok ang isyu niya at makulong, hindi naman siya iniwan ng kanyang pamilya at aware rin ang aktres na sobrang swerte niya sa mga kapatid na meron siya.
Aminado rin si Awra na hanggang ngayon ay hindi pa maayos ang pagsasama nila ng ama pero it's getting better naman na raw kumpara n'un.
Maraming netizens ang humanga sa pagbabahagi ni Awra ng kwento ng kanyang pamilya. Hirit ng madla, palaging may room for improvement ang isang tao at hindi pa huli ang lahat para magbago pa ito at maiayos ang kanyang relasyon sa ama.