Antetokounmpo Kay James, Embiid, napili sa Team Durant

ni Anthony E. Servinio - @Sports | February 12, 2022

Kapwa nakapili na kahapon ng kani-kanyang kakampi sina LeBron James at Kevin Durant para sa NBA All-Star Game para sa Pebrero 20, kung saan pangunahing nakuha ni James si Milwaukee Bucks star Giannis Antetokounmpo habang huli sa kanyang listahan si James Harden.

Ang midseason exhibition na idaraos sa Cleveland, kung saan hindi napili ni Brooklyn Nets star captain Durant si Harden. Ilang oras bago iyan, naiulat na si Harden ay nailipat mula Nets tungo sa Philadelphia 76ers sa isang blockbuster deal kung saan nai-trade naman para sa Brooklyn sina Ben Simmons, Seth Curry at Andre Drummond.

Kaya napunta si Harden sa Team Lebron, na nagwagi sa huling apat na edition contest mula nang palitan ang game sa Western Conference format. Sa kasalukuyang sistema, ang team captain ang pipili ng players mula sa starters at reserves na pinili rin ng fans, kapwa players at coaches.

Sa isang televised draft program, si Antetokounmpo ang first selection niya habang si Durant na hindi naman makalalaro dahil may knee injury ay first pick si 76ers star Joel Embiid. Starting line up ni James sina Golden State Warriors star Stephen Curry, Chicago's DeMar DeRozan at reigning NBA MVP Nikola Jokic.

Tampok naman sa starting five ni Durant sina rising Memphis Grizzlies star Ja Morant, Boston's Jayson Tatum, Atlanta's Trae Young at Golden State's Andrew Wiggins. Reserba ni James sina Luka Doncic, Chris Paul, Jimmy Butler, Donovan Mitchell, Fred VanVleet, Harden at Darius Garland -- na unang pinili niya dahil gusto rin ito ni Durant.

Sina Devin Booker, Karl-Anthony Towns, Zach LaVine, Dejounte Murray, Khris Middleton, LaMelo Ball at Rudy Gobert ang mga reserba ni Durant.

Sa mga laro kahapon, wagi ang Phoenix Suns vs. Bucks 131-107. Niyanig ng New York Knicks ang Golden State Warriors, 116-114. Numero uno pa rin ang Miami Heat matapos magwagi sa New Orleans Pelicans, 112-97. Siniguro ng Washington Wizards ang panalo sa 113-112 kontra Brooklyn Nets. 'Di pinaporma ng Dallas Mavs ang LA Clippers, 112-105.