Aminadong ‘di lang makaiwas sa tukso… JOHN, PAKAKASALAN ULI SI PRISCILLA BUMALIK LANG

ni Beth Gelena @Bulgary | October 18, 2025

Photo: IG @johnestrada_ / primeirelles

Nagpakatotoo lang ang aktor na si John Estrada nang maglabas siya ng kanyang emosyon nang makuhanan ng pahayag tungkol sa dating misis na si Priscilla Meirelles.

Inamin niyang si Priscilla ang ‘love of his life’ at umaasa siyang maayos pa nilang mapag-uusapan ang lahat.

Sinabi rin ni John na handa niyang muling pakasalan ang estranged wife kung gugustuhin daw nito. 

Nagbigay din siya ng papuri kay Daniel Padilla na iniuugnay sa anak na si Kaila Estrada.

Ayaw daw sana niyang pag-usapan ang personal na buhay, kaya lang hindi raw niya kayang tanggihan ang panayam dahil matagal na silang magkaibigan ni Dolly Anne Carvajal.

“Pri (Priscilla) is the love of my life. I hope she will still be around when I’m done fighting my own demons,” ani John na halatang puno ng emosyon habang inaalala ang pinagsamahan nila ni Priscilla.

Dagdag pa niya, “If and when Pri and I fix what needs to be fixed, I would be willing to remarry her if she wants to.”

Sa kabila ng mga nakaraang isyu, kabilang na ang mga alegasyon ng pagtataksil na kumalat sa social media noong nakaraang taon, ipinahayag ni John na umaasa pa rin siya sa pag-aayos nila at kapatawaran nito.

“I’m still hoping for the best for both of us,” aniya.

Samantala, tinanong ang aktor sa pagkaka-link ng anak niyang si Kaila sa ex ni Kathryn Bernardo na si Daniel Padilla.

Ang mahinahong sagot ni John, “I cannot speak on behalf of my daughter.” 

Ngunit hindi niya itinago ang paghanga sa aktor. 

Sey niya, “Daniel is respectful and humble despite his superstar status.”

Sa kabilang banda, si Priscilla Meirelles ay matagal nang nagsabing ‘closed book’ na ang kanilang pagsasama, bagama’t umamin din siyang minsan, nagtangkang makipag-ayos si John Estrada sa kanya.

---

Isa sa OG Angels…  

ANNE, PROUD NA NAKASAMA SI ADRIANA LIMA SA VICTORIA’S SECRET SHOW

Nakasama na ni Anne Curtis si Adriana Lima, ang isang OG (original) Angel sa 2025 Victoria’s Secret Fashion Show (VSFS) kamakailan sa New York City.

Sa kanyang Instagram (IG) page, ibinahagi ng TV host-actress ang snapshot nila ni Adriana sa event.

“Lights. Camera. Angels. Gaaah got to walk the pink carpet for the very first time. What an amazing, inclusive and inspiring show. Truly is a new era of @victoriassecret,” aniya.

Excited pa niyang sabi, “From watching shows on TV to finally seeing and even meeting an OG Angel I am so (loved & fairy emoji). Thank you @victoriassecretph for having me (hand heart emoji) @valiram.”

Mabilis na nag-react ang mga fans online sa post ni Anne.

“Gorgeous angel PH rep!!! Glad you enjoyed the show live & front row.”

“OMG (Oh my God) so gorgeousss!! You really have that angel glow. So happy you got to experience something so fun and special, Ate (Anne)!”

Ngayong taon ang ika-20 beses ni Lima na rumampa sa runway ng VSFS.

Sa isang panayam, tinanong si Adriana kung ano’ng tagline ang ibibigay niya sa show ngayong taon. 

Ang sagot nito, “The Angels are Back.”

On what energy she would bring to the runway this 2025, sey niya, “I am bringing the Lima energy. It’s fun, energetic, outgoing, and likes to engage with everyone around her. Fun, happy all the time.”

Nagbigay din siya ng payo sa mga naghahangad na maging Victoria’s Secret Angel.

Aniya, “Be yourself, don’t be afraid to show your personality, and go for it.”

Bukod kay Adriana, rumampa rin sina Gigi Hadid, Bella Hadid, Behati Prinsloo, Jasmine Tookes, at Candice Swanepoel, atbp.. Guest performers ang TWICE pati na sina Karol G, Madison Beer, at Missy Elliott.