Alas Girls, target astig na Rnd-of-16 sa U17 FIVB Worlds

by Gerard Arce @Sports News | August 13, 2026

Photo: Ang malakas na spike ni Caera Celis ng Alas Pilipinas Girls sa laban nila kontra Venezuela sa FIVB Volleyball Girls U17 World Championship na ginaganap sa Liceo Mixto San Felipe, Chile. (worldvolleyballpix)

Nakamit ng Alas Pilipinas Girls ang pinakamagandang puwesto sa kasaysayan ng FIVB World Championship matapos lumikha ito ng bagong pamantayan matapos magmartsa tungo sa Round-of-16 ng FIVB Volleyball Girls U17 World Championship na ginaganap sa Liceo Mixto San Felipe, Chile.

Bagaman hindi pinalad na malampasan ang World No. 12 Venezuela sa matinding girian sa 5th set pagkatalo sa 19-25, 16-25, 25-22, 25-19, 11-15 kahapon  nagawa pa rin nitong maging magandang modelo para sa Philippine volleyball team sa pandaigdigang kompetisyon, higit sa World Championship.

Nagawang padapain ng Alas Pilipinas Girls ang world No. 8 Mexico at No. 20 Tunisia, para umangat sa 2-3 kartada sa Pool B, habang uusad sa knockout phase kasabay ang powerhouse teams na China, USA, Korea at Poland.

Dahil sa pagpasok sa Final 16, nahigitan ng Alas Pilipinas Girls ang Bryan Bagunas-led squad na nabitin sa 19th stage ng FIVB Volleyball Men’s World Championship noong isang taon  na tumapos sa ika-18 puwesto sapul ng 1974 FIVB Women’s Volleyball World Championship sa Mexico.

Malaking tuklas rin para sa national squad ang mga katulad nina Caera Celis, Xyz Rayco at Jhaynna Bulandres, gayundin sina Madele Gale, Resty Olaguir, Frances Ramos at Jhenica Sadia, na susubok na makuha ang Fina Eight kontra sa South Korea ngayon.