Alak, bawal sa Shibuya, Tokyo sa Halloween

ni Angela Fernando - Trainee @News | October 29, 2023

Ipinagbawal ang alak sa tanyag na lugar ng Shibuya, Tokyo upang maiwasan ang pagtitipon ng mga tao at makaiwas sa mga aksidente ngayong Halloween.

Ito ay matapos ang trahedyang nangyari sa Itaewon, South Korea na kumitil sa buhay ng mahigit 100 katao nu'ng nakaraang taon.

Ayon sa mayor ng distrito na si Ken Hasebe, natatakot silang magaya sa nangyari sa Itaewon nu'ng nakaraang Oktubre.

Agad namang nagpatupad ng mahigpit na patakaran sa Tokyo para masiguro ang kaligtasan ng mga mamamayan at turista.

May ibang residente na suportado ang naging desisyon at may iba na bumatikos dito.

Taun-taon, dinadagsa ng libong tao ang mga makulay na daan ng Shibuya, marami ay nakabihis, naka-costume para gunitain ang Halloween at magsaya.