ni Pablo Hernandez @Prangkahan | Abril 7, 2024
SURE WIN NA SI VP SARA SA PAGKA-PRESIDENTE SA 2028 ELECTION KAPAG HINDI KUMANDIDATO SI SEN. RAFFY TULFO -- Ayon kay ACT-CIS partylist Rep. Erwin Tulfo ay wala raw plano ang kapatid niyang si Sen. Raffy Tulfo na kumandidatong presidente sa 2028 election.
Kung ganu’n, sure win na pala si Vice Pres. Sara Duterte-Carpio sa 2028 election kasi wala siyang makakatunggaling malakas na kandidato for president, period!
◘◘◘
VP SARA VS. EX-VP LENI SA 2028 ELECTION? -- Sa survey ng Pulse Asia para sa 2028 election ay top si Sen. Raffy Tulfo sa rating na 35%, pumangalawa si VP Sara sa rating na 34% at pangatlo si former VP Leni Robredo sa rating na 11%.
At kung sakaling hindi nga kumandidatong presidente si Sen. Raffy, at kumbinsihin ng mga “kakampink” at “dilawan” supporters si VP Leni na muling sumubok sa presidential election, ngayon lang mangyayari sa kasaysayan ng ‘Pinas na dalawang abogada ang magtutunggali sa halalang pampanguluhan sa year 2028, kasi parehong lawyer sina VP Sara at ex-VP Leni, abangan!
◘◘◘
BIGTIME OIL PRICE HIKE NEXT WEEK, DAGDAG-PAHIRAP NA NAMAN SA MAMAMAYAN -- Inanunsyo ni Director Rodela Romero ng Oil Industry Management Bureau (OIMB) ng Dept. of Energy (DOE) na may bigtime oil price hike next week, na ayon sa kanya ang madadagdag sa presyo sa kada litro ng gasolina ay P1.20, sa diesel naman ay P.140 at sa kerosene ay P1.30.
Hay naku, wala na yatang talaga aatupagin itong mga alagad ni Pres. Bongbong Marcos (PBBM) sa DOE kundi mag-aprub ng mga dagdag-pahirap sa mamamayan, tsk!
◘◘◘
SIBAKIN SI EMB-DENR DIRECTOR GILBERT GONZALES -- Sa pagdinig sa Senado ay nabulgar na si Director Gilbert Gonzales ng Environmental Management Bureau (EMB) ng Dept. of Environment and Natural Resources (DENR) ang lumagda at nagbigay ng clearance para maitayo sa Chocolate Hills ang Captain’s Peak Garden and Resort sa Sagbayan, Bohol.
At imbes humingi ng paumanhin sa publiko sa kanyang ginawa dahil protected area ang Chocolate Hills na ibig sabihin hindi puwedeng magtayo ng anumang establisimyento dito, ay pinalalabas pa niyang tama ang mali niyang ginawa na kesyo dumaan naman daw sa due process ang pagpapahintulot niyang tayuan ng resort ang Chocolate Hills.
Dapat sibakin agad ni Pres. Bongbong Marcos (PBBM) si Director Gonzales, kasi imbes protektahan ang Chocolate Hills, ay siya pa ang pasimuno para “babuyin” ito, period!
◘◘◘