Aktres, todo-hugot sa pang-aahas ng kaibigan… SIGAW NG NETIZENS: PHILMAR, CHEATER AT PANGIT

ni Vinia Vivar @Frankly Speaking | Feb. 7, 2025

Photo: Philmar Alipayo - IG

Usap-usapan ngayon sa social media at sa loob ng showbiz ang problemang namamagitan sa relasyon nina Andi Eigenmann at surfer Philmar Alipayo.

Ito ay dahil na rin sa kanilang mga sunud-sunod na posts sa kani-kanilang social media account bukod pa nga sa napansin ng mga netizens na in-unfollow na nila sa Instagram ang isa’t isa.

Unang post ng aktres sa kanyang Instagram Story ay tungkol sa Year of the Snake na tila nag-i-imply ng betrayal o pang-aahas.

“I just found out it’s the year of the snake!! I thought it was the year of the wolf in sheep’s clothing!” post ni Andi.

Isa pang post niya, “They stab you and pretend they are the ones bleeding.”

Dito pa lang ay nahalata na ng mga netizens na tila may third party sa relasyon nina Philmar at Andi.

Kaya naman katakut-takot na bashings na ang natanggap ni Philmar at kung anu-ano nang masasakit na salita ang ibinato sa kanya. Tinawag din siyang “cheater” at “pangit” ng mga netizens.

Sumagot naman kaagad si Philmar sa kanyang Instagram (IG) Story. Sunud-sunod din ang posts niya sa wikang Surigaonon nitong Sabado ng madaling-araw.

Saad pa ng surfer, “You can call me a cheater and ugly now. Pero salamat sa mga tawo na no message sanan ka kilaya sa ako (Puwede n’yo akong tawaging cheater at pangit ngayon ngunit salamat sa totoong nakakakilala sa akin).”

Kahapon ng umaga ay nag-post ulit si Andi at dito ay nabanggit niya ang tungkol sa kaibigang umaahas kay Philmar.

“Explain na lang para sure: for context, I have seen the red flags but chose to look beyond it. Since she was already a friend before I came into the picture. I was too shy to call it out to my partner. Now I (realized) setting boundaries in a relationship doesn’t make it toxic,” pahayag ni Andi.

Sumunod na post ng aktres ay sinabi niyang alam niya na hindi nag-cheat si Philmar sa kanya pero itong friend niya ang tumatraydor sa kanya.

“MY WHY FOR POSTING: I AM FULLY AWARE THAT MY HUSBAND NEVER CHEATED ON ME WITH THIS GIRL.... I AM ALWAYS AROUND WHEN THEY ARE TOGETHER. I POSTED BECAUSE THIS PERSON BETRAYED ME, ENCOURAGES MY HUSBAND TO BREAK UP WITH ME DURING EVERY FIGHT EVEN WHEN I ALSO TELL MY SIDE OF THE STORY TO HER,” pagre-reveal ni Andi.

Aniya pa, ang friend niyang ito ang nagyaya kay Philmar na magpalagay sila ng love tattoo.

“SHE DIDN’T HONOR MY SIDE BY CHOOSING TO CELEBRATE HER AND MY HUSBAND’S LOVE FOR EACH OTHER BECAUSE THE DAY AFTER OUR FIGHT, SHE INSERTED HERSELF IN THE SITUATION BY ENCOURAGING HIM TO GO FOR A SPONTANEOUS LOVE COUPLE TATTOO TOGETHER. (If innocent, why now when he is vulnerable? Why not when we’re ok? Or maybe why not when things have calmed down?),” saad ng aktres.

“I REACHED OUT TO HER, TO GET ANY BUT OF EXPLANATION FROM HER FOR THINKING THIS IS A GOOD IDEA, AND SHE CHOSE TO COMPLETELY IGNORE ME,” patuloy niya.

Inamin niyang nasaktan siya sa ginawa ni Philmar pero mas kinokondena niya ang kanyang friend.

“Yes I am hurt that my husband didn’t think this would bother me, I’m not being dumb and ignoring that, BUT POST WAS TO JUST SHOW THAT NO NORMAL PERSON WITH GOOD INTENTIONS WOULD THINK IT'S OK FOR A ‘FRIEND’ TO ENCOURAGE SOMEONE ELSE'S HUSBAND TO DO THIS WITHOUT CONSIDERING THE PARTNER’S FEELINGS.

“ESPECIALLY AFTER I TOLD HER THAT EVEN IF WE ARE IN A BAD FIGHT I WOULD ALWAYS WANT AND CHOOSE TO BE OK WITH MY HUSBAND BECAUSE HE IS MY FAMILY,” pahayag ni Andi.

Sa ngayon ay wala pang linaw kung ano ang tunay na estado nina Andi Eigenmann at Philmar Alipayo. May nagsasabi kasing hiwalay na ang dalawa base na rin sa post ng surfer.

Pero kung pagbabasehan naman ang latest post ni Andi na lagi raw niyang pinipiling makipag-ayos sa partner kahit pa anong lala ng away nila, she’s implying na puwede pa itong maayos.

Bukas naman ang BULGAR kung may nais silang linawin o ipahayag.