Aktres, tameme… NEGOSYONG PABANGO NI TONI, 'DI RAW SAFE, IPINAGBAWAL NG FDA

ni Reggee Bonoan - @Sheet Matters | January 14, 2021

Walang maibigay na reaksiyon ang taong tinanungan namin na malapit kay Toni Gonzaga-Soriano tungkol sa babala ng Food and Drug Administration (FDA) sa cologne spray na ibinebenta ng kumpanya niya kasama ang business partner niyang vlogger na si Winnie Wong.

Ayon sa nakausap namin, “Feeling ko naman, alam nila (Toni) ang isyu kasi nasa news naman. Sa ngayon kasi, hindi naman pinag-uusapan.”

Ang business partner ni Toni na si Winnie ay ayaw ding magbigay ng pahayag dahil ang abogado raw niya ang sasagot sa isyu.

Base sa ipinadalang e-mail ni Winnie sa broadsheet, “As much as I want to provide the full details on this matter, our legal counsel has advised us that the issues are already being addressed in the proper forum. There are many sensationalized and fabricated information coming out against us. We do not want to engage in false information.”

May babala kasi ang FDA sa publiko na hindi dumaan sa kanila ang POUF! Everyday Bloom Cologne Spray nina Toni at Winnie kaya walang Certificate of Product Notification.

Base sa FDA Advisory No. 2020-2188, “Potential hazards may come from ingredients that are not allowed to be part of a cosmetic product or from the contamination of heavy metals.

“All concerned establishments are warned not to distribute violate cosmetic product until they have fully complied with the rules and regulation of the FDA.”

Sabi pa ni FDA Director-General Eric Domingo, sinumang mahulihang nagbebenta ng produktong walang lisensiya at rehistro mula sa FDA ay papatawan ng violation of Republic Act 8711, or the FDA Act of 2009, at ayon sa Section 12 ay magmumulta ang violator ng P50,000 hanggang P500,000 o pagkakakulong mula isa hanggang sampung taon.

Bukas ang BULGAR para sa kampo nina Toni at Winnie.