Aktres na si Sheena Halili, nanganak na!

ni Thea Janica Teh | December 13, 2020

Masayang ibinahagi ng aktres na si Sheena Halili sa kanyang social media account ngayong Linggo na nanganak na siya nitong Sabado ng baby girl.

Sa Instagram post, makikita na nakasuot pa ito ng hospital gown, face mask at face shield habang pinapa-breast feed ang kanyang baby.

"Hanggang ngayon di pa rin ako makapaniwala na nahahawakan at nayayakap na kita," caption ni Halili sa kanyang post.

"Maraming salamat Lord at healthy kaming dalawa," dagdag pa nito.

Samantala, proud na proud ding ibinahagi ng asawa ni Halili na si Heron Manzanero ang picture nilang mag-ama at sinabing “I promise to hold your hand forever, Martina.”

Sa kanilang latest vlog, inanunsiyo ng mag-asawa na papangalanan nilang Martina ang kanilang panganay.

Matatandaang nitong Hunyo inanunsiyo ni Halili ang kanyang pagdadalantao.