ni Beth Gelena - @Bulgary Files | May 14, 2022
Nakakatuwang pagmasdan ang magdyowang Kathryn Bernardo at Daniel Padilla habang nagdidiskusyon sila about marriage, kaharap ang tatlong mahuhusay na direktor na sina Cathy Garcia-Molina, Mae Cruz-Alviar at Olivia Lamasan.
Sila ang naging dahilan kung bakit lahat ng proyektong ginagawa ng KathNiel ay laging nakakapagpakilig sa mga fans. Saksi rin sila sa nabuong pagmamahalan ng dalawa. Natanong ang celebrity couple kung ready na ba silang magpakasal sa topic nilang "2 Good 2Gether".
Ang bilis ng sagot ni DJ, “Ready na ako.”
Natanong din sila how they see themselves in another 10 years.
Si Kath ay 26 years old at 27 naman si DJ.
“Ang dami pang mangyayari,” sagot ng aktres. “Imagine, 36 na ako by then.”
Dagdag pa ni Kath, “‘Pag 10 years? Siyempre, meron na.”
“Meron na,” sang-ayon naman ng aktor.
“Iyon din. Iyon na ‘yung ultimatum ko — ‘pag hindi pa ako ikinasal, Kathryn, ‘pag ayaw mo pa, ayoko na!” biro niya sa girlfriend.
Pero, biglang nagseryoso si Daniel, “Iyon na ‘yung next chapter ng buhay namin. Kailangan na… Ten years na kami rin. Iba ‘yung kasal. After that, you build a house together, build a family together.”
Dagdag naman ni Kathryn, “Iyon na ‘yung magsi-seal sa inyo.”
“Ako, kasi, looking forward na rin ako doon. Kasi, ano pa bang ano ko sa buhay ko? Twenty-seven na ako. What’s next — sa aming dalawa?” susog naman ng aktor.
Masyado pa rin naman daw bata ang edad 27, sey naman ni Direk Cathy.
Sagot ni Daniel, “Masyadong mabilis lalo ang panahon. Ang bilis talaga.
“At saka, dati pa naman, 16 at 17 years old pa lang kami, pinag-uusapan na namin ‘yan. Now, we’re here. What’s the plan after three or two years?”
Ibinahagi naman ni Kath na originally, ang intention nilang edad para magpakasal ay ang current age nila.
“Nagmu-move. Dapat, 26, ang bilis pala,” sambit niya.
“Dapat 28, pero hindi pa pala ‘yun,” dagdag naman ni DJ saka bumaling kay Kath at sinabing, “Treinta, usapan natin. Hindi na mamu-move ‘yun.”
Nag-disagree naman ang girlfriend, “Dapat 'pag ready tayong pareho. You can’t say that to me, kasi ‘pag marriage, dapat, pareho tayong ready. Alam mong hindi pa tayo ready ngayon. Kailangan pa nating aralin ang buhay, kung paano.”
“Baka ikaw ang hindi pa ready,” sagot ni Daniel kasunod ang “Ready na ako."