Ajido muling nanaig sa 50 freestyle sa PAI
ni Clyde Mariano @Sports | June 22, 2024
Matapos manalo sa Asian Age Group sa 50 meters freestyle na may magandang record na ginawa sa New Clark City Sports Complex, muling ipinakita ni Jamesrey Mishail Ajido ang galing sa paglangoy at manalo sa kanyang paboritong event sa Philippine Aquatic Inc. National Age Group Swimming Championship na idinaos sa Teofilo Yldefonso Swimming pool sa Rizal Memorial Sports Complex kahapon.
Hindi ininda ni Ajido ang slight injury sa kaliwang balikat at inangkin ng 15-year old swimming sensation ang paboritong event Class A 200m freestyle na naorasan ng 2:00.42 secs.
Tinalo ni Ajido si Aston Clyde Jose na naka-pilak sa 2:07.63 at Zoilo Larrazabal sa 2.08.00 para sa tanso. “Mabuti lumangoy siya para makita ang progress ng kanyang therapy sa paghahanda sa tryout sa August,” sabi ng ina ni Ajido.
Sumosyo si Mishka Sy kay Ajido na nanalo sa 17 over Class A400m individual medley (5:17.43) at 200m freestyle (2:13.14). Tinalo ni Sy si Palarong Pambansa campaigner Audrey Tom ((5:37.51) at Dianna Cruz (5:37.58).
Nagkaroon nang maikling silent prayer bilang paggalang at paggunita sa alaala ni swimming Executive Director at Jose Rizal University swimming coach Francisco “Chito” Rivera.
Ang iba pang nanalo ay sina Kayla Louise Bulaga (14 Class A 200m freestyle) (2:18.02), magkapatid sina Mikhael Jaspe Mohdej at Behrouz Mohammad Mohdej 9 Class A 200m freestyle (2;45.76) boys at 400m individual medley (5.12.65), Yzac Valencia boys 10 Class A200m freestyle (2:43,07). “They are our new stars in swimming. PAI organized the swimming competition primarily to tap and discover young talents for future international competitions,” sabi ni PAI secretary general Eric Buhain.
Comments