Agawan sa pasahero: Trike driver, kinatay

ni Janice Baricuatro @News | October 28, 2026

Photo: File

Nasawi ang isang tricycle driver matapos pagsasaksakin ng kapwa tsuper dahil umano sa agawan sa pasahero, kamakalawa sa Brgy. Anahaw 1, Silang, Cavite.

Kinilala ang biktima sa alyas Elmo, 47, ng Brgy. Acacia. Tinutugis naman ang suspek na si alyas Toto.

Alas-9 ng gabi nang maganap ang insidente habang nakapila ang suspek sa toda nang komprontahin ng biktima dahil umano sa pag-agaw nito sa pasahero ng kanyang pamangkin. Naawat ang kanilang pagtatalo ng mga kapwa driver, ngunit sinundan ng suspek ang biktima at pinagsasaksak.

Agad na isinugod sa ospital ang biktima ngunit idineklarang dead-on-arrival.