After ng hiwalayan nila ni Liza... ENRIQUE, NAGBEBENTA NA NG MGA ARI-ARIAN

ni Ambet Nabus @Let's See | April 26, 2023

Mukha namang sa Kapamilya pa rin babalik at gagawa ng mga projects si Enrique Gil.

Sa mga naglabasang espekulasyon na kinukuha ito ng Kapuso Network at ayon sa ilang news site, sumuko na ang aktor sa pagbuntut-buntot kay Liza Soberano sa USA.

Mayroon nga raw movie project na gagawin ang aktor, tila nagustuhan naman ito ni Enrique at tinanggap na nga niya ang proyekto.

Ayon sa mga tsika, proyekto itong pagsasamahan nila ni Daniel Padilla at makakasama pa nilang dalawa rito ang tambalan nina Donny Pangilinan at Belle Mariano.

Hmmm... basta ang nakarating sa aming balita, may mga inaayos na negosyo si Enrique ngayon, kasama na nga rito ang pagbebenta ng ilan niyang naipundar na properties.

May tsika na balak na ring pasukin ng aktor ang concert at film production, kung saan kasama niya ang mga tinatawag niyang "buddies at bro" sa showbiz.