After magpositibo si Cambodian PM Hun Sen… P-BBM, sumailalim sa COVID-19 testing

ni Lolet Abania | November 15, 2022

Sumailalim si Pangulong Ferdinand “Bongbong” Marcos Jr. sa COVID-19 testing matapos na si Cambodian Prime Minister Hun Sen ay tinamaan ng coronavirus.

“The President had himself tested as part of the health protocol for the APEC Summit in Bangkok, Thailand. He also instructed members of the official delegation to Cambodia to have themselves tested,” ayon sa Office of the Press Secretary ngayong Martes.

“The President extends his wishes to Cambodian Prime Minister Hun Sen for a speedy recovery,” saad pa ng OPS.

Gayunman, ang resulta ng COVID-19 test ni Pangulong Marcos ay hindi pa inilalabas sa media.

Unang ipinahayag ni Hun Sen na nagpositibo siya sa test sa COVID-19 sa kanyang official Facebook page.

Sa sidelines ng ASEAN Summit na ginanap sa Phnom Penh, nagkausap sina Pangulong Marcos at Hun Sen ng Huwebes noong nakaraang linggo.

Aalis naman si P-BBM patungong Bangkok, Thailand sa Miyerkules para makiisa sa mga world leaders sa gaganaping Asia-Pacific Economic Cooperation (APEC) Summit.