After ‘Karding’, Bagyong Luis, next – PAGASA

ni Lolet Abania | September 28, 2022

Isa nang Tropical Depression Luis ang namuong Low-Pressure Area (LPA) sa loob ng Philippine Area of Responsibility (PAR) alas-8:00 ng umaga ngayong Miyerkules, ayon sa PAGASA.

Batay sa weather bulletin ng PAGASA, alas-10:00 ng umaga, namataan ang TD Luis na nasa layong 1,100 kilometro east ng Extreme Northern Luzon na may maximum sustained winds na 55 km kada oras, gustiness na aabot hanggang 70 km/h, at central pressure na 1004 hPa habang kumikilos ito northwestward ng 25 km/h.

Ayon sa state weather bureau, asahan naman na lalabas ang Bagyong Luis ng PAR sa Huwebes ng umaga o hapon habang hindi inaasahan na direktang makakaapekto ito sa anumang bahagi ng bansa.

“In the next 24 hours, the Southwest Monsoon and the Low Pressure Area east of Mindanao will bring rains over the western section of Southern Luzon, Eastern and Western Visayas, and the eastern section of Mindanao,” pahayag ng PAGASA.

“The latest forecast scenario for Luis shows that the hoisting of Tropical Cyclone Wind Signal over any land area in the country is unlikely,” dagdag ng weather bureau.

Samantala, posibleng makaranas ang Occidental Mindoro at Palawan ng mga flash floods o landslides dulot ng katamtaman hanggang sa paminsan-minsang malakas na pag-ulan dala ng Southwest Monsoon.

Gayundin, ang Eastern Visayas at Caraga ay maaaring makaranas ng maulap na papawirin na may kalat-kalat na mga pagbuhos ng ulan at thunderstorms dahil naman sa trough ng Bagyong Luis.

Habang ang Metro Manila at ang natitirang bahagi ng bansa ay makararanas ng isolated rain showers o thunderstorms dahil sa Southwest Monsoon o localized thunderstorms.

Ayon pa sa PAGASA, “This tropical cyclone is forecast to intensify into a tropical storm within the next 24 hours. Further intensification is likely while moving over the sea east of southern Ryukyu Islands.”