After 8 yrs., saka lang nagbatian sa socmed… MATTEO, IBINULGAR NANG SEPT. 16 ANG ANNIVERSARY NILA

NI SARAH

ni Vinia Vivar - @Frankly Speaking | September 17, 2021

May pasabog kahapon si Matteo Guidicelli sa Twitter. Eight years na pala sila together ng asawang si Sarah Geronimo na tila ngayon lang niya ini-reveal.

“8 years strong,” ang tweet ni Matteo with matching red heart emoji.

Of course, ang 8 years na sinasabi ng aktor ay ang relasyon nila not as husband and wife kundi ‘yung time na nagsimula ang kanilang boyfriend-girlfriend stage.

Iba pa ‘yung wedding anniversary nila na Pebrero naman.

Nag-reply naman si Sarah G. sa kanyang mister ng simpleng “Happy anniversary.”

In the past ay hindi sila nagbabatian ng kanilang anibersaryo at hindi nga sila masyadong nag-o-open-up sa kanilang relasyon although alam ng kanilang mga fans ang kanilang anniversary date at sila na lang ang bumabati sa couple.

Kaya naman sobrang kilig ang mga AshMatt fans sa post ni Matteo kahapon. Siyempre pa, dumagsa rin ang pagbati sa mag-asawa ng kanilang mga supporters.

“Owemji, confirmed Sept. 16!! Happy Anniversary, Ashmatt!!” pagbati ng isang fan.

“Taraaay!! May pa-anniversary reveal na si Hubby! Happy Anniversary you two!” sey naman ng isa pa.

Matatandaang ikinasal sina Matteo at Sarah last year, Feb. 20, via a secret civil ceremony.