Adik sa online sugal, nag-suicide
- BULGAR
- 52 minutes ago
- 1 min read
ni Levi Gonzales @News | May 20, 2026
Photo: File
Patay ang 32-anyos na lalaki makaraang tumalon sa Biga Bridge, Sta. Anastacia, Sto. Tomas City, Batangas.
Batay sa ulat, alas-12:30 ng hatinggabi nang huling makitang naglalakad ang biktimang si alyas Troy, ng Brgy. Saimsim, Calamba City, Laguna.
Nadiskubre ang bangkay alas-7:30 ng umaga ng ilang concerned citizen na nangangalakal ng scrap materials kaya ipinagbigay-alam sa mga otoridad ang insidente.
Nakikita sa motibo ng pagpapakamatay ang pagkalulong umano nito sa scatter o online gambling.
Nagkaroon ito ng malaking pagkakautang saka marami ang naniningil sa biktima na posibleng nagtulak sa kanyang wakasan ang sariling buhay.
Comments