A.P. Factor, patok sa Metro Turf Race

ni Green Lantern - @Renda at Latigo |September 9, 2022

Sasalang si A. P. Factor sa Condition Race sa Metro Turf, Malvar - Tanauan City, Batangas, ngayong araw.

Paniguradong liyamado sa bentahan si A.P. Factor na rerendahan ni former Philippine Sportswriters Associaton, (PSA) Jockey of the Year awardee Jessie Basilio Guce.

Subalit ayon sa mga karerista ay magandang laban ang kanilang masisilayan lalo na't 1,200 meter race lang ang distansiya. "Harurutan agad sa arangkadahan ang mga yan, maiksi lang distansiya kaya puwestuhan agad," saad ni Alfredo Gumilet, veteran karerista.

Makakaharap ni A.P. Factor sina Top Attraction, Gil's Magic, Biglang Buhos, Full Combat Order at Security Supreme.

Sa Race 2, magsasanib-puwersa naman sina Prime Time Magic at Dugong Bughaw sa PHILRACOM Rating Based Handicapping System na pakakawalan sa pangalawang karera.

May distansiyang 1,200 meter race, ang ibang kasali ay sina Lucky Choice, Stand By Me, Cupid Bell, Grand Laughter at Great Britain kung saan nakalaan ang P25,000 added prize na ikakalat sa unang apat na kabayong tatawid sa meta. Hahamigin naman ng winning horse owner ang karagdagang P5,000 premyo.

Samantala, 7 races ang pakakawalan ng Metro Manila Turf Club Inc. (MMTCI) ngayong Biyernes, lahat ay suportado ng Philippine Racing Commission, (PHILRACOM) sa pamumuno ni chairman Reli De Leon.

Mga Pili ni Green Lantern:

Race 1 - Kusing (4), Rafa (2)

Race 2- Prime Time Magic/Dugong Bughaw (5/5A), Cupid Bell (3)

Race 3 - A. P. Factor (1), Security Supreme (6)

Race 4 - Jawo (5), Barrio San Roque (3), Antique Collector (2)

Race 5 - Smiling Lady (8), Andromed (7), Jacqueline (6)

Race 6 - Bonifacio (3), Polloc Island (4)

Race 7 - Union Run (3), My Dear Magnolia (5), Believe Me (1)