9-anyos nasagasaan ng SUV, patay

by Jeff Tumbado @News | November 22, 2026

Photo: FIie
Nasawi ang isang siyam na taong gulang na lalaki matapos masagasaan ng SUV habang naglalakad sa gilid ng Govic Highway sa Brgy. San Nicolas, Castillejos, Zambales nitong Sabado ng umaga, Nobyembre 21.
Kinilala ang biktima sa alyas na Mio, residente ng Brgy. Balaybay. Ayon sa pulisya, nawalan umano ng preno ang Suzuki Ertiga na minamaneho ng isang 36-anyos na lalaki, dahilan upang mawalan ito ng kontrol at mabangga ang bata.
Isinugod ang biktima sa ospital ngunit hindi na nailigtas ang kanyang buhay.
Nasa kustodiya na ng pulisya ang driver habang nagpapatuloy ang imbestigasyon. Iniakyat na rin umano sa kasong homicide ang insidente.





Comments