ni Ronalyn Seminiano Reonico | January 16, 2021
Patay ang 7 katao matapos bumagsak ang Huey helicopter ng Philippine Air Force (PAF) sa Impasug-ong, Bukidnon ngayong Sabado, bandang alas-2 nang hapon.
Galing umano sa lungsod ng Malaybalay, Bukidnon ang mga sundalo at magdadala dapat ng supplies papuntang Impasug-ong nang magkaroon ng malfunction sa engine ng UH-1H Air Force helicopter na naging dahilan ng pag-crash nito.
Kinumpirma ni Public Affairs Office Chief Major Rodulfo Cordero ng 4th Infantry Division ng Philippine Army na nasawi ang 2 Air Force pilot, 3 miyembro ng Philippine Army at ang 2 miyembro ng Citizens Armed Forces Geographical Unit (CAGFU) sa insidente.