6 patay sa typhoid fever sa Negros Occidental

ni Lolet Abania | November 3, 2022

Nakapagtala na ng 6 na namatay dahil sa typhoid fever habang higit sa 600 naman ang kaso nito sa Negros Occidental simula Enero ngayong taon.

Ayon sa provincial health office, umabot na sa 623 ang mga typhoid fever cases sa 29 bayan at lungsod sa Negros Occidental.

Nababahala naman si Negros Occidental Governor Bong Lacson sa lumabas na mga report ng tinamaan ng typhoid fever.

“I was surprised in the report today that as early as January this year there was already a typhoid case and there are now a total of 6. And the cause of typhoid is the same as cholera,” pahayag ni Lacson.

Napagkasunduan naman ng provincial health board na dapat nang magtatag ng tinatawag na “Food and Drinking Water Quality Monitoring Committee” sa bawat local government unit (LGU) ng lalawigan.

Sa kanilang datos, sa kabuuang 31 bayan at lungsod sa Negros, nasa 11 pa lamang ang mayroong monitoring committee.

Ayon sa provincial health officer na si Dr. Ernell Tumimbang, nakikita nilang mataas na ang kaso ng water-borne, acute diarrheal diseases at cholera, at typhoid. Ang unang tanong patungkol dito ay ang potable water supply na aniya, isa itong dahilan, kasunod ang kanilang water at sanitation.

“Kay ti nakita ta ang water-borne, diarrheal diseases kag aton cholera kag typhoid katag-as. Number one ang question da ang potable water supply isa na. Then ang aton water and sanitation,” pahayag ni Tumimbang sa kanyang lengguwahe.

Umabot naman sa 20 kaso ang kumpirmadong may cholera sa mga bayan ng EB Magalona, Silay, Talisay, Silay City, Victorias at Calatrava.

Batay pa sa ulat, ang pinakahuling tinamaan ng typhoid fever cases ay 3-anyos na bata