5TH Cool Summer Farm Derby Race, aarangkada

ni Green Lantern - @Renda at Latigo | April 2, 2022

Magtatapat muli sa pista sina Rain Man at Sir Williams sa magaganap na 5th Cool Summer Farm Derby race na ilalarga sa San Lazaro Leisure Park sa Carmona, Cavite bukas, (Linggo).

Paniguradong mainit na bakbakan ang masisilayan ng mga karerista dahil P1.6M guaranteed prize na nakalaan na ikakalat sa unang anim na kabayong tatawid sa meta.

Bukod kina Rain Man at Sir Williams, ang ibang kalahok na puntirya ang P600,000 na premyo ay sina Jubilum, King Hans, Yana's Silver, Bisyo Mag Serbisyo, Hot Rot Hearts, Darna, Pharaoh's King at Pharaoh's Fairy.

Gagabayan ni star jockey Jeffril zarate si Rain Man habang si class A rider Rodeo Fernandez ang rerenda kay Sir Williams. Pakay ng Sir Williams na makabawi dahil tinalo siya ni Rain Man nang magkaharap sila sa isang stakes race noong nakaraang buwan.

"This annual event is our way of thanking those who patronize our produce. This is also our means of helping in the efforts to bring back the luster, to make it known and famous again, to this industry that we dearly love," saad ni Cool Summer Farms top honcho Joseph Dyhengco.

Kukubrahin ng second placer ang P300,000 mapupunta sa third ang P250,000 habang tig-P200,000, P150,000 at P100,000 ang fourth hanggang sixth ayon sa pagkakahilera.

Ang nasabing event ay suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, siyam na karera ang inihain ng Metro Manila Turf Club Inc. (MMTCI) ngayong araw ng Sabado kaya tiyak na magiging masaya ang mga karerista sa kanilang pananaya.

Mga pili ni Green Lantern:

Race 1. Calle Loreto (2), Huckleberry/Battle Scar (5/5A), Security Supreme (8)

Race 2. Speedy Chase (6), Moving Violation (2), Mystify (3)

Race 3. Bishop Blue (1), Caloocan Zap (7), Smiling Lady (6)

Race 4. Express Lane/Color Blast (4/4A), Sentinel Node (7), Lucky Choice (6)

Race 5. Hookbung dagat (1), Candid Moment (5)

Race 6. Doktora (2), Since When (1), Stand By Me (5)

Race 7. Siquijor (7), Jawo (3), Coastal Road (5)

Race 8. Kaka And Bachi (1), Tit For Tat (5), Asiong (3)

Race 9. It's A Deal (5), Shinshiro (3), Fortune Island (9)