539 nag-apply na 'participating victims' vs. Duterte

ni BRT @News | April 27, 2026

Tinatayang 539 na kaanak ng mga biktima ng Extra Judicial Killings ang pormal na nag- apply bilang “participating victims” sa kaso laban kay dating Pangulong Rodrigo Duterte. Hangarin nila na mabigyang pansin ang kanilang pananaw at opinyon sa proseso ng paglilitis.

Sabi ni Atty. Maria Kristina Conti, hindi na kailangan ng mga taong ito na magsalita sa harap ng korte. Iba sila sa mga pipiliin ng Prosecution at Defense na magiging mga testigo.

Dagdag pa niya na may mga tao na hindi kasama sa listahan ng mga magsasalita sa trial, kaya hindi sila tatawagin para magkuwento sa hukuman. Matatandaan na kabilang ang mga kaso ng pagpatay mula noong Nobyembre 2011 hanggang Marso 2019 sa tinitingnan na datos sa nasabing mga krimen.