5 lugar, isinailalim sa Signal No. 3 dahil kay ‘Florita’ – PAGASA

photoni Lolet Abania | August 23, 2022

Limang lugar sa Northern Luzon ang isinailalim na sa Tropical Cyclone Wind Signal (TCWS) No. 3 dahil sa Severe Tropical Storm Florita, ayon sa PAGASA ngayong Martes.

Sa kanilang 11AM weather bulletin, sinabi ng PAGASA na storm-force winds ang iiral o asahan na sa loob ng 18 oras ang mga sumusunod na lugar sa ilalim ng TCWS No. 3:

•northern portion ng Ilocos Norte (Pagudpud, Dumalneg, Adams, Bangui, Burgos)

•Apayao

•southern portion ng Babuyan Islands (Camiguin Island, Fuga Island, Dalupiri Island)

•mainland Cagayan

•northeastern portion ng Isabela (Palanan, Divilacan, Maconacon, San Pablo, Tumauini,

Cabagan, Santa Maria, Santo Tomas, Delfin Albano, Ilagan City, San Mariano)

Iiral naman ang gale-force winds o asahan sa loob ng 24 oras ang naturang lugar sa ilalim ng TCWS No. 2:

•natitirang bahagi ng Babuyan Islands

•natitirang bahagi ng Isabela

•Quirino

•northern at eastern portion ng Nueva Vizcaya (Quezon, Diadi, Bagabag, Villaverde, Solano, Kasibu)

•Abra

•Kalinga

•Mountain Province

•Ifugao

•northern portion ng Benguet (Buguias, Bakun, Mankayan, Kibungan)

•natitirang bahagi ng Ilocos Norte

•Ilocos Sur

•northern portion ng Aurora (Dilasag, Casiguran, Dinalungan, Dipaculao)

Makararanas naman ang mga sumusunod na lugar sa ilalim ng TCWS No. 1 ng malakas na bugso ng hangin (strong breeze to near gale strength):

•Batanes

•natitirang bahagi ng Nueva Vizcaya

•natitirang bahagi ng Benguet

•La Union

•eastern portion ng Pangasinan (Santo Tomas, Villasis, Mapandan, Mangaldan, San Fabian, San Jacinto, Manaoag, City of Urdaneta, Rosales, Balungao, Umingan, San Quintin, Natividad, San Nicolas, Tayug, Santa Maria, Asingan, San Manuel, Binalonan, Sison, Pozorrubio, Laoac, Dagupan City)

•northeastern portion ng Tarlac (San Manuel, Anao)

•Nueva Ecija

•Natitirang bahagi ng Aurora

Ayon pa sa PAGASA, ang STS Florita ay nagawang mag-landfall sa bisinidad ng Maconacon, Isabela ng alas-10:30 ng umaga ngayong Martes.

“It will continue moving generally northwestward and is forecast to traverse the northern portion of Isabela and mainland Cagayan. Afterwards, Florita will emerge over the Babuyan Channel Tuesday. On the forecast track, Florita may exit the Philippine Area of Responsibility (PAR) Wednesday morning,” pahayag pa ng PAGASA.