ni Ronalyn Seminiano Reonico | July 10, 2021
Umakyat na sa 1,467,119 ang kabuuang bilang ng kaso ng COVID-19 sa bansa ngayong araw matapos makapagtala ang Department of Health (DOH) ng karagdagang 5,675 new cases.
Ayon sa DOH, 49,968 pa ang aktibong kaso ng COVID-19 sa bansa kung saan 89% ang mild cases, 5.4% ang asymptomatic, 2.4% ang severe, at 1.5% ang nasa kritikal na kondisyon.
Tumaas naman sa 1,391,335 ang kabuuang bilang ng mga gumaling na matapos makapagtala ang DOH ng 7,552 new recoveries.
Samantala, umakyat naman sa 25,816 ang mga nasawi dahil sa COVID-19 matapos maitala ang karagdagang 96 na mga pumanaw.