42 PCG personnel, nakarekober sa COVID-19
- BULGAR
- Jun 27, 2020
- 1 min read
ni Lolet Abania | June 27, 2020
Photo from Philippine Coast Guard
Ilan sa limampu’t apat na empleyado ng Philippine Coast Guard (PCG) na nagpositibo sa test sa coronavirus o covid-19 ay magaling na, ayon sa isang opisyal ng ahensiya.
Nakarekober na ang 42 personnel nito habang ang 12 pa ay nakitaan rin ng paggaling sa sakit, payahag ito ni PCG commandant Vice Adm. George Ursabia sa Laging Handa program.
Ayon pa kay Ursabia, ang naturang 12 personnel ay asymptomatic at tiwala siyang tuluyan na silang makakarekober sa coronavirus.
Gayundin, regular na nagsasagawa ang PCG ng reverse transcription-polymerase chain reaction testing sa bawat empleyado simula nang makiisa ang ahensiya sa ibang government agencies para magbigay ng serbisyo sa repatriated OFWs at locally stranded na indibidwal sa kani-kanilang mga probinsiya.
Comments