4 na posibleng NPA, patay sa Zamboanga
- BULGAR
- Dec 29, 2023
- 1 min read
ni Angela Fernando - Trainee @News | December 29, 2023
Patay ang 4 na hinihinalang miyembro ng New People's Army (NPA) sa mga barangay ng San Jose at Wilben sa Sergio Osmena, Zamboanga Del Norte dahil sa labanan sa pagitan ng militar ng pamahalaan.
Kinilala bilang si Charlie Hintapa, o mas kilala sa mga alias na Esik/Andot, leader ng guerilla front Sendong, ang isa sa mga sinasabing rebelde.
Kasunod namang namatay sa engkwentro ang 3 hinihinalang rebelde na kinilalang miyembro ng Sendong na sina Maria Luz Ranan aka Hill/Mona, Jerome Lobo Albios aka Larry/Lomer, at Mary Ann Nabicis o alias Bianca/Richel.
Natagpuan ng militar sa insidente ang isang MK 2 grenade, isang cellphone, mga bala ng 5.56mm, 5.56mm M4 rifle, at ilang personal na gamit.
Commentaires