4 na lugar isinailalim sa Signal No. 2 dahil kay ‘Florita’ – PAGASA

ni Lolet Abania | August 22, 2022

Apat na lugar ang isinailalim sa Tropical Cyclone Wind Signal No. 2 habang lumakas pa ang Tropical Depression Florita na naging isang tropical storm ngayong Lunes ng umaga, ayon sa PAGASA.

Sa kanilang 11AM update, sinabi ng PAGASA na ang sentro ng mata ni ‘Florita’ ay tinatayang nasa layong 215 km silangan ng Casiguran, Aurora, habang kumikilos kanluran timog-kanluran ng 15 km/h at may maximum sustained winds ng 75 km/h malapit sa sentro at gustiness na aabot sa 90 km/h.

Base sa forecast track ng PAGASA, maaaring mag-landfall si Florita alinman sa bisinidad ng east coast ng Cagayan o northern Isabela ng Martes ng hapon.

“On the forecast track, the tropical cyclone is forecast to maintain this heading until it makes landfall in the vicinity of the east coast of Cagayan or northern Isabela tomorrow afternoon,” ani PAGASA.

Isinailalim sa TCWS No. 2 ang mga sumusunod:

•eastern portion ng Cagayan (Enrile, Tuguegarao City, Peñablanca, Iguig, Baggao, Gattaran, Lal-Lo, Gonzaga, Santa Teresita, Buguey, Santa Ana);

•eastern portion ng Isabela (Cabagan, San Pablo, Santa Maria, Maconacon, Divilacan, Palanan, San Mariano, Ilagan City, Delfin Albano, Tumauini, Santo Tomas, Quezon, Mallig, Roxas, Quirino, San Manuel, Aurora, Cabatuan, Luna, Burgos, Gamu, Reina Mercedes, City of Cauayan, Alicia, San Isidro, Echague, Jones, San Agustin, San Guillermo, Angadanan, Naguilian, Benito Soliven, Dinapigue);

•extreme northern portion ng Aurora (Dilasag, Casiguran);

•northeastern portion ng Quirino (Maddela)

Ang bugso ng hangin sa mga nasabing lugar ayon sa PAGASA, “may reach gale-force in strength.”

Samantala, ang mga sumusunod na lugar ay isinailalim sa TCWS No. 1:

•natitirang bahagi ng Cagayan

•natitirang bahagi ng Isabela

•natitirang bahagi ng Quirino

•Nueva Vizcaya

•Apayao

•Abra

•Kalinga

•Mountain Province

•Ifugao

•Benguet

•La Union

•Ilocos Norte

•Ilocos Sur

•northern portion ng Aurora (Dinalungan, Dipaculao, Baler, Maria Aurora, San Luis)

•northern portion ng Polillo Island (Panukulan, Burdeos)

Ang mga nasabing lugar ay makararanas ayon sa PAGASA, “strong breeze to near gale strength winds.”

Sinabi pa ng PAGASA na si Florita ay maaari na lalong lumakas bago mag-landfall.

“Further intensification is likely prior to its landfall. There is a potential for slight weakening as FLORITA crosses the northern portion of Northern Luzon due to frictional effects of the rugged terrain, but the tropical cyclone will likely remain Tropical Storm throughout the passage over land,” saad ng ahensiya.