4 bagong kaso ng Omicron subvariant BF.7 – DOH

ni Lolet Abania | December 23, 2022

Nakapagtala ng 4 cases ng Omicron subvariant BF.7 na na-detect sa bansa, ayon sa Department of Health (DOH) ngayong Biyernes.

Batay sa DOH, ang BF.7 ay kasalukuyang ini-report sa ilalim ng Omicron subvariant BA.5.

Gayundin, ayon sa ahensiya, ang kasalukuyang evidence nito ay hindi tumutukoy sa anumang pagkakaiba sa severity o clinical manifestations sa pagitan ng BF.7 at ng orihinal na Omicron variant.

“The Department of Health reiterates the need to put more emphasis on other factors such as wearing of best-fitting face masks, isolating when sick, doubling-up protection via vaccines and boosters, and ensuring good airflow,” pahayag ng DOH sa isang statement.

“If such factors will be adhered to and implemented by ourselves immediately, decline in cases may be observed sooner,” dagdag ng ahensya.

Samantala, nakapag-record ng kabuuang 4,059,369 kaso ng COVID-19, kung saan 16,900 ay kasalukuyang active.