340 inmates, pinalaya – BuCor

ni Lolet Abania | January 23, 2023

May kabuuang 340 persons deprived of liberty (PDLs) ang pinalaya mula sa mga bilangguan at penal farms ngayong Lunes, ayon sa Bureau of Corrections (BuCor).

Base sa datos ng BuCor, nasa 128 inmates ang released on parole, habang 165 PDLs ang nakapagsilbi ng kanilang maximum sentence na may good conduct and time allowance (GCTA) ang laya na.

Mayroon ding 35 inmates na nagsilbi ng kanilang sentensiya na may GCTA, ang pinalaya sa ilalim ng Department Order No. 953.

Nakasaad din sa order, “the release of PDLs sentenced to life imprisonment or high-risk inmates shall only be implemented with the approval of the Justice Secretary.”

Isa namang PDL ang acquitted.

Kabilang sa mga pinalaya, 154 ay mula sa New Bilibid Prison (NBP), 31 sa Davao Prison and Penal Farm, at 33 mula sa Correctional Institute for Women.

Isang culminating program naman ang ginanap at dinaluhan nina Department of Justice (DOJ) Secretary Jesus Crispin Remulla at BuCor Officer-in-Charge Gregorio Catapang Jr. ngayong Lunes.

Una nang nagbigay ng direktiba si Pangulong Ferdinand Marcos Jr. sa DOJ na ipagpatuloy ang pagpapalaya sa mga persons deprived of liberty na kuwalipikado para sa parole.

Ayon sa DOJ, tinatayang nasa 4,000 PDLs ang napalaya na noong nakaraang taon.