top of page
Carlos Yulo at Chloe San Jose - FTWBA YT.jpg

30-day extension sa regularisasyon ng ride-hailing services — LTFRB

Writer: BULGAR
BULGAR
Nov 8
1 min read

by Mervin Reyes @News | November 8, 2026



Ride hailing app service - LTFRB

Photo: File / LTFRB



Pinalawig ng Land Transportation Franchising and Regulatory Board (LTFRB) ng 30 araw ang deadline ng aplikasyon para sa regularisasyon ng mga ride-hailing service na nasa temporary o “tempo” status.


Ayon sa LTFRB, alinsunod ito sa direktiba ni Transportation Secretary Vince Dizon upang matulungan ang libu-libong Transport Network Vehicle Services (TNVS) driver na makakuha ng legal na awtorisasyon.


Ang “tempo” ay tumutukoy sa mga TNVS unit na isinama sa digital platforms ng Transport Network Companies (TNC) kahit wala pang pahintulot mula sa LTFRB.

Sa pinakahuling datos ng ahensya, umabot na sa 13,216 ang aplikasyon, kung saan 5,091 ang nabigyan ng provisional authority.


Hinimok ni LTFRB acting chairman Greg Pua Jr. ang mga aplikante na kumpletuhin ang kinakailangang dokumento upang maiwasan ang pagkaantala sa pagproseso.

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page